Sigurvon Krabbameinsfélag

Breyttur opnunartími skrifstofu á þriðjudögum !

2012-01-09T16:13:00.001Z

Breyttur opnunartími verður á skrifstofu Sigurvonar á þriðjudögum í janúar til maí, í stað opnunartíma 10:00-12:00 verður opið 13:00-15:00, óbreyttur tími verður á miðvikudögum, 10:00-12:00 og fimmtudögum 11:00-13:00. Vinir í Von komu saman í fyrsta sinn á nýju ári síðasta laugardag og voru kræsingar á borðum. Fyrsta félagsvist á nýju ári verður annað kvöld kl. 20:00, hvetjum við félaga, velunnara, sem vini og vandamenn að mæta og taka hressilega í spil á nýju ári.

Gleðileg jól og farsælt nýtt ár !

2011-12-22T11:17:00.007Z

Krabbameinsfélagið Sigurvon

óskar félagsmönnum sínum, sem og öllum landsmönnum nær og fjær

gleðilegra jóla og farsældar

á nýju ári og þakkar stuðninginn á liðnum árum !

Jólakort 2011 !

2011-11-10T12:02:00.006Z

Jólakort 2011 !

Myndir Ágústar prýða jólakort Sigurvonar !
Tvö ný jólakort Krabbameinsfélagsins Sigurvonar á norðanverðum Vestfjörðum eru komin í prentun. Aftur eru þau prýdd myndum áhugaljósmyndarans Ágústar G. Atlasonar . Ágúst vill styrkja gott málefni og gefur því félaginu afnot af myndunum. Ágúst hefur verið öflugur í ljósmyndun undanfarin misseri og haldið víða sýningar. Hann hefur fengist við ljósmyndun síðan 1990. Einstakt landslag Vestfjarða er vinsælt myndefni hjá Ágústi og þarf engan að undra það miðað við fegurðina á meðfylgjandi myndum sem prýða tvö af jólakortum Sigurvonar. Jólakortin koma í sölu von bráðar en ágóðinn rennur í styrktarsjóð Sigurvonar.

Aðalfundur 15. nóvember kl. 20:00 !

2011-11-09T10:35:00.005Z

Aðalfundur Sigurvonar verður haldinn

n.k. þriðjudag, 15. nóvember kl. 20:00

að Pollgötu 4.

Venjuleg aðalfundarstörf.

Boðið verður upp á kaffi og léttar veitingar.

Hvetjum alla til að mæta !

Vel var mætt á fyrirlestur sem fram fór síðasta laugardag á Hótel Ísafirði, í tilefni af 10 ára afmæli Sigurvonar. Boðið var upp á súpu í hádeginu og þökkum við góðar mótttökur. Hér má sjá myndir

Jólakortin eru komin í prentun og væntanleg í verslanir í lok næstu viku !

Sigurvon 10 ára !

2011-11-02T17:56:00.000Z

Í tilefni 10 ára afmælis Sigurvonar verður haldinn fyrirlestur

n.k. laugardag kl. 11:00 á Hótel Ísafirði.

Boðið verður upp á súpu og kaffi í hádeginu.

Lára G. Sigurðardóttir læknir
hjá Krabbameinsfélaginu

og doktorsnemi í lýðheilsu flytur fyrirlestur um

Konur – Lífsstíl – Krabbamein

Til stóð að bjóða einnig upp á beinþéttnimælingu eftir hádegi, en því miður bilaði mælirinn og ekki víst að hann komi vestur í tíma, höfum bara annan í afmæli mjög fljótlega, ef ekki tekst að laga mælinn fyrir laugardag :o)

Allir velkomnir - stjórnin !

Bleikur dagur og fundir í R-vík. !

2011-10-08T12:15:00.000Z

Nú er skrifstofan böðuð bleiku ljósu að utan og rosa flott. Starfsmenn aðildarfélaga KÍ hittust í gær morgun í Reykjavík, funduðu og sátu fyrirlestur fyrir hádegi. Í hádeginu var snætt á veitingastaðnum HAPP og eftir hádegi var fyrirlestur á LÍ. Fyrirlesturinn heitir Veikindi og vellíðan, fluttur af Margréti Bárðardóttur sálfræðingi. Í morgun hófst Formannafundur KÍ og fer hann fram á Akranesi. Til stóð að halda hann í Vestmannaeyjum eins og í fyrra, en enn og aftur kom sandur í Landeyjahöfn í veg fyrir þær fyrirætlanir, þetta hefst í þriðja sinn og voru allir sammála því að betra væri að funda í Eyjum að vori en hausti :o) Til gamans er hér þessi flotta uppskrift af peysu með bleiku slaufunni, frí á Facebook !

Hvunndagshetjur með bleika slaufu !

2011-09-30T20:12:00.008Z

Zulukonur - hvunndagshetjur !

Hvunndagshetjurnar
Lóa Ara og Júlía rafvirki !

Hvunndagshetjurnar Lóa Ara og Júlía rafvirki fengu fyrstu bleiku slaufurnar á Vestfjörðum í dag. Í ár verður Safnahúsið bleikt og hægt verður að kaupa bleiku slaufuna í Samkaupum, Pennanum, Apótekinu, Heilsugæslunni, hjá Birki og Lóu og á skrifstofu okkar að Pollgötu 4. Saga bleiku slaufunnar í ár er að fengnar voru konur í Suður Afríku til að perla slaufurnar og tilheyra þær þorpinu Zulufadder. Flestar konurnar eru ömmur og annast þær margar 12-14 börn hver, því börnin hafa misst foreldra sína úr alnæmi. Í raun hefur heil kynslóð á þessu svæði horfið sökum sjúkdómsins. Með því að kaupa Bleiku slaufuna í ár er fólk því bæði að styrkja Krabbameinsfélag Íslands sem og Zulufadder þorpin og geta nú þessar konur brauðfætt betur þau börn sem eru í umsjá þeirra. Bleika slaufan er árvekni- og fjáröflunarátak Krabbameinsfélags Íslands sem snýr að baráttunni gegn krabbameinum hjá konum.

Frétt BB má sjá hér.

Pétur Geir gefur út ljóðabók !

2011-09-29T11:57:00.000Z

Ísfirðingurinn Pétur Geir Helgason hefur gefið út ljóðabókina Sólrúnir. Bókina tileinkar hann minningu eiginkonu sinnar Óskar Norðfjörð Óskarsdóttur sem lést í janúar 2008 en ánafnar Krabbameinsfélaginu Sigurvon hluta ágóðans. Seld verða hundrað eintök á vegum félagsins sem fær helming af söluhagnaði. Pétur Geir fæddist 15. nóvember 1932 á Langeyri við Álftafjörð. Eftir gagnfræðaskóla hóf hann vinnu hin ýmsu störf sem til féllu en fljótlega hneigðist vilji til að vinna störf sem tengdust sjávarútvegi s.s. fiskvinnslu og sjómennsku og hefur svo verið mest allt lífshlaupið. Bókin er fáanleg hjá Sigurvon í síma 456 5650 eða hjá Sigurði Ólafssyni formanni félagsins í síma 897 5502.

Vinir í Von komnir á fullan skrið !

2011-09-29T11:55:00.000Z

Vinir í Von komu saman síðasta laugardag hér að Pollgötunni, fengu sér kaffi og spjölluðu, síðan var lagt af stað í göngu í fiskisúpu í Tjöruhúsinu. Viljum við minna á skjalið hér til hægri á síðunni, "Vinir í Von", en þar má sjá þær dagsetningar sem komið er saman á laugardögum og eins hittinga á þriðjudagskvöldum, sem er yfirleitt fyrsta þriðjudag hvers mánaðar. Hvetjum við fólk til að vera duglegt að mæta hvort heldur það eru krabbameinsgreindir, aðstandendur eða styrktarfélagar. Maður er manns gaman :o)

Vinir í Von hefja vetrarstarf !

2011-09-06T11:07:00.000Z

Vinir í Von ætla að hittast næsta laugardag eða 10. september kl. 11, boðið verður upp á kaffi og létt meðlæti og verður starf vetrarins undirbúið. Áætlað er að hittast 2. og 4ða hvern laugardag í vetur og verður starfið fjölbreytt og skemmtilegt. Stefnan er að halda áfram með súpufundi, spilakvöld, göngutúra, kaffispjall o.fl. Hvetjum við sem flesta til að mæta n.k. laugardag kl. 11 hér í aðstöðu Sigurvonar að Pollgötu 4 og taka þátt í að móta starf vetrarins. Vetrarhittingar verða laugardagana 10/9, 24/9, 8/10, 22/10, 12/11, 26/11, 10/12, 14/1, 28/1, 11/2, 25/2, 10/3, 24/3, 14/4, 28/4, 12/5 og 26/5. Spilakvöld verða fyrsta þriðjudag hvers mánaðar og koma nánari dagsetningar og upplýsingar hér eftir fundinn á laugardaginn :o)

Fín mæting í Göngum saman !

2011-09-06T10:57:00.000Z

Góð mæting var í Göngum saman s.l. sunnudag, mættu um 40 göngugarpar, konur, karlar og börn. Haldið var af stað kl. 11 og gengnir ýmist 3 eða 7 km á Rúnustíg við Hnífsdalsveg í alveg ágætis veðri. Göngugarpar fengu svart buff við upphaf göngu og hressingu að göngu lokinni, snúða og vínarbrauð frá Gamla bakaríinu og drykki frá Vífilfelli. Þökkum við kærlega fyrir stuðninginn og þátttökuna ! Hér má sjá frétt um gönguna á BB

Göngum saman 4. september !

2011-09-01T13:38:00.007Z

GÖNGUM SAMAN SUNNUDAGINN 4. september kl. 11:00 ! Gengið verður frá Gamla Sjúkrahúsinu og boðið upp á tvær gönguleiðir, 3 og 7 km. Fullorðið göngufólk er beðið að greiða 3.000 kr. í styrktarsjóð Göngum Saman. Frítt fyrir börn. Allir sem greiða göngugjaldið fá svart höfuðbuff með merki félagsins. Söfnunarféð rennur til styrktar grunnrannsóknum á brjóstakrabbameini. Í boði verða léttar veitingar að göngu lokinni og jafnframt verður boðinn til sölu ýmiss varningur s.s. buff, armbönd, gjafakort og englar. Hvetjum sem flesta til að mæta !

Sólstöðuganga til styrktar Sigurvon !

2011-06-14T10:32:00.002Z

Félagar, velunnarar og aðrir sem áhuga hafa á málefnum Krabbameinsfélagsins Sigurvonar. Ferðaþjónustan í Arnardal mun halda upp á miðsumarnætur í Arnardal 24. og 25. júní n.k.

Meðal annars verður farin kvöldganga laugardaginn 25. júní, kl. 19:00. Gengið verður frá Súðavík yfir í Arnardal undir leiðsögn Barða Ingibjartssonar og Önnu Lindar Ragnarsdóttur. Áætlaður göngutími er 3-4 klukkutímar. Sætaferðir verða frá Hamraborg kl. 18:00 og úr Arnardal til Ísafjarðar um miðnætti og kl. 03:00, kostar hver ferð 500 kr.

Þátttökugjald er 1.500.- krónur og rennur það óskipt til Sigurvonar. Göngufólk og aðrir áhugasamir notið nú tækifærið og gangið ykkur til heilsubótar og njótið útiverunar um leið og þið styrkið gott málefni.

Nánari upplýsingar eru hjá Úlfari Ágústssyni í síma 892-0318 ulfar@isafjordur.info

Fjölmennum í þessa göngu og verum dugleg að láta þetta berast !

Lokahóf Vina í Von !

2011-05-17T11:46:00.000Z

Vinir í Von fjölmenntu á lokahóf vetrarstarfsins s.l. föstudag og var mikið fjör. Boðið var upp á súpu og brauð og léttar veitingar með kaffinu. Slegið var upp Eurovision leik og verður niðurstaða birt síðar og vonandi sigurvegari :o) Sigurvon þakkar félögum Vina í Von skemmtilegt starf og fjölbreytt í vetur og þó sérstaklega þeim Heiðrúnu Björnsdóttur og Auði Ólafs, sem að mestu hafa haft umsjón með hittingum vetrarins. Í haust verður starf næsta veturs auglýst bæði hér á heimasíðunni okkar og eins í BB.

2011-05-16T15:35:00.000Z

BÍ styrkir Sigurvon

bb.is | 16.05.2011 | 14:56

Landsbankinn styrkir BÍ

Landsbankinn og Boltafélag Ísafjarðar hafa undirritað styrktarsamning til tveggja ára sem skiptist á milli yngri flokka félagsins og meistaraflokks. Landsbankinn mun þó í samræmi við stefnu sína afsala sér auglýsingum á búningum BÍ. Í stað þess valdi BÍ að merki Krabbameinsfélagsins Sigurvonar myndi prýða búninga félagsins næstu ár. Landsbankinn kynnti síðastliðið haust nýja stefnu í stuðningi bankans við íþróttafélög undir yfirskriftinni Samfélag í nýjan búning. Markmiðið er að tengja saman stuðning bankans við íþróttir og mannúðarmál.

Stofnaður verður áheitasjóður fyrir Sigurvon í útibúi Landsbankans á Ísafirði og mun bankinn greiða í sjóðinn ákveðna upphæð fyrir hvern sigur meistaraflokka BÍ/Bolungavíkur á Íslandsmótum. Það er því vonandi að sigrarnir verði margir þetta árið þar sem það kemur fleiri aðilum en Boltafélaginu til góða. Landsbankinn mun að auki í tilefni af stofnun áheitasjóðsins styrkja Sigurvon með styrk að upphæð 500.000 krónur.

„Stjórn BÍ88 þakkar Landsbankanum kærlega fyrir styrkinn enda skýtur hann styrkari stoðum undir starf félagsins í baráttunni í öllum deildum og öllum flokkum. Það er líka afar ánægjulegt að nú skuli fleiri njóta góðs af fótboltanum en bara þeir sem hafa áhuga á honum,“ segir í tilkynningu.

Áður en fyrsti leikur BÍ/Bolungarvíkur hófst í 1. deild á laugardag afhenti fulltrúi Landsbankans BÍ-mönnum ávísun upp á 500.000 krónur sem þeir afhentu formanni Krabbameinsfélagsins Sigurvonar.

Lokahóf Vina í Von 13. maí !

2011-05-12T12:02:00.000Z

Vinir í von minna á lokahóf sitt föstudaginn 13. maí kl. 20 í húsnæði Sigurvonar. Boðið verður upp á súpu og brauð, en drykkir verða á ábyrgð hvers og eins ;o) Hvetjum alla til að mæta hressa og káta og taka með sér maka, vini og/eða vandamenn. Munið bara að hringja í Heiðrúnu Björns og tilkynna þátttöku í gsm 869 8286. Ljúkum starfinu með stæl :-D

Starfsmannafundur og Aðalfundur KÍ

2011-05-10T12:16:00.005Z

Dorrit og Bíi :o)

Samráðsfundur starfsmanna Svæðafélaga KÍ fór fram s.l. föstudag að Skógarhlíð 8 í Reykjavík, eftir morgunfund og matarhlé var boðið upp á fyrirlestur um Áfallahjálp eftir Rúdolf Adolfsson. Aðalfundur KÍ fór fram á sama stað á laugardeginum, nema hvað boðið var upp á hádegisverð í Nauthól og hélt aðalfundur áfram þar á sama formi og þjóðfundir hafa verið haldnir. Að loknum fundi buðu forsetahjónin öllum að Bessastöðum í tilefni af 60 ára afmæli KÍ, þ.s. boðið var upp á léttar veitingar og allir fengu að skoða sig um.

Sigurvon hefur skipt um viðskiptabanka !

2011-03-17T11:54:00.002Z

Sigurvon hefur skipt um viðskiptabanka og við samruna Sparisjóðs Keflavíkur við Landsbanka Íslands var ákveðið að hafna því að ganga sjálfkrafa í samvinnu við Landsbanka Íslands þ.s. þeir hafa ekkert aðgengi fyrir fatlaða. Hefur Sigurvon gengið til liðs við Íslandsbanka og fært öll viðskipti sín þangað. Okkur hlakkar til samstarfs við nýjan banka, en viljum um leið þakka góða og farsæla samvinnu við Sparisjóðinn.
Nýjar reikningsupplýsingar eru: banki: 0556 hb.: 26 reikn.nr.: 2060 kt. 470102 4540.

Spilavist Vina í Von !

2011-03-02T11:04:00.001Z

Ungir sem eldri spila saman !

Vinir í Von komu saman og tóku í spil í gær og skemmtu ungir sem eldri sér konunglega. Margir hafa ekki tekið í spil frá unglinsárum og eru allir sammála um að það er gaman að rifja upp gamla takta. Aðstoð er í boði fyrir þá sem eru farnir að "ryðga" í spilamennskunni ;o) Minnum líka á laugardagshitting n.k. laugardag 5. mars kl. 11:00 á sama stað.

Átakið Mottumars hafið !

2011-03-01T10:35:00.001Z

Hafin er árleg samkeppni á landsvísu í söfnun yfirvaraskeggs í tilefni af átakinu Karlar og Krabbamein. Hvetjum við Vestfirska karlmenn til að láta ekki sitt eftir liggja og hefja söfnun á mottu nú þegar :-D Frekari upplýsingar um keppni, skráningu og fyrirkomulag má finna hér http://www.mottumars.is/ . Okkur vantar sjálfboðaliða til að selja pinnan og hvetjum áhugasama til að hafa samband við Ingibjörgu Snorra í síma 867 7942.

Nýr upplýsingabæklingur Sigurvonar !

2011-02-24T20:56:00.001Z

Kominn er út nýr upplýsingabæklingur Sigurvonar, en þar er að finna allar helstu upplýsingar fyrir þá sem greinast með krabbamein og aðstandendur þeirra. Útgáfa bæklingsins er styrkt af SPKF, um prentum sá H-prent og Íslandspóstur sér um að dreifa honum í öll hús á norðanverðum Vestfjörðum. Eiga vestfirðingar því von á bæklingnum inn um lúgurnar næstu daga og vill Sigurvon nota tækifærið og þakka bæði Sparisjóði Keflavíkur fyrir stuðninginn, en þeir greiða fyrir prentun og Íslandspósti, sem sér um dreifingu bæklingsins, allt Sigurvon að kostnaðarlausu.

Vinir í Von hittast n.k .laugardag !

2011-02-08T11:17:00.000Z

Samvera Vina í Von féll niður síðasta laugardag 5. feb. af óviðráðanlegum orsökum, en var færð til næsta laugardags, 12. feb. Farið verður í göngutúr og verður góð súpa á eftir ásamt kaffi, hvetjum félaga til að fjölmenna !

Dagskrá Vina í Von fram á sumar !

2011-01-12T11:06:00.000Z

Vinir í Von hófu starf sitt að nýju s.l. laugardag með Þrettándagleði og hittust svo í Félagsvist í gærkvöldi. Laugardagshittingar framundan verða: 22/1, 5/2, 19/2, 5/3, 19/3, 2/4, 16/4 og 30/4, kl. 11:00 í aðstöðu Sigurvonar að Pollgötu. Þriðjudagshittingar verða: 1. feb., 1. mars, 5. apríl og 3. maí kl. 20:00 líka að Pollgötu 4.

Vinir í von með Þrettándagleði !

2011-01-04T11:58:00.000Z

Næst komandi laugardag, 8. janúar munu Vinir í Von koma saman í Pollgötunni kl. 11 og halda Þrettándagleði. Boðið verður upp á heitt súkkulaði og kökur, jafnframt verður skipulagt starfið fram á sumar. Hvetjum fók til að mæta og fagna nýju ári með Vinum í Von og minnum á að allir eru velkomnir.

Svarti borðinn !

2010-12-30T15:25:00.002Z

Höfum fengið í sölu nokkra svarta borða, en þeir fást bæði á skrifstofu Sigurvonar, hjá Birki ehf. og í Blómavali í Húsasmiðjunni og kosta 750 kr. stk.

Nýárskveðja !

2010-12-28T10:50:00.002Z

Aðalfundur Sigurvonar !

2010-11-23T10:49:00.000Z

Aðalfundur Sigurvonar fór fram í gær og tókst mjög vel, mæting var góð og að loknum aðalfundarstörfum var kaffi í boði Vina í Von og Sparisjóðs Vestfirðinga. Ný stjórn var kosin eftirfarandi:
Formaður: Sigurður Ólafsson gsm: 897 5502 netfang: bii@simnet.is
Gjaldkeri: Guðfinna Sigurjónsdóttir gsm: 861 4659 netfang: gfm@simnet.is
Ritari: Oddný Birgisdóttir gsm: 898 0711 netfang: ob@bb.is
Meðstjórnandi: Auður H Ólafsdóttir gsm: 692 3580 netfang: audgum@simnet.is
Meðstjórnandi: Heiðrún Björnsdóttir gsm: 869 8286 netfang: heidrunbjorns@gmail.com
Varamaður: Helena Hrund Jónsdóttir netfang: helenahrund@simnet.is
Varamaður: Jóhanna Ása Einarsdóttir gsm: 895 3939 netfang: stebbij@snerpa.is.
Sigurvon þakkar góða þátttöku og minnir jafnframt á hitting Vina í Von n.k. laugardag kl. 11:00 að Pollgötu 4 !

AÐVENTUHELGI AÐ LÖNGUMÝRI !

2010-11-17T10:49:00.000Z

AÐVENTUHELGI AÐ LÖNGUMÝRI

26. – 28. nóvember fyrir

Ekkla og Ekkjur

Í nóvember verður aðventuuhelgi að Löngumýri í Skagafirði þar sem áherslan er á notalegt andrúmsloft í fallegu umhverfi. Á meðal þess sem er í boði má nefna að skrifa jólakortin, njóta samveru, hafa gaman saman, fara í gönguferðir og njóta alls þess besta sem Löngumýri og Skagafjörður bjóða uppá.

Dagskrá:

Föstudagur 26. nóvember:
Mæting að Löngumýri á þeim tíma sem hverjum hentar eftir hádegi. Kvöldmatur.

Laugardagur 27. nóvember:

Morgunverður. Frjáls tími og handverks og listakona úr sveitinni kemur og færir hugmyndir upp á disk. Hádegisverður, kaffi og kvöldverður.
Samvera og kvöldvaka eins og þær gerast bestar.

Sunnudagur 28. nóvember:

Morgunverður. Frjáls tími og aðventusamkoma í Miklabæjarkirkju. Hádegisverður og kaffi.

Heimferð frá Varmahlíð kl. 16.25.

Gisting og fæði frá föstudegi fram á sunnudag kr.18.000.

Hægt er að fara á einkabíl en einnig fer rúta frá BSÍ Reykjavík á föstudeginum kl. 8:30 og kl. 17.00 og fólk sótt í Varmahlíð. Látið vita við skráningu hvort á komið er með rútu og á hvaða tíma. Kostnaður í rútu er 8.100 aðra leið (16.000 fram og tilbaka).

(5700 fyrir eldri borgara aðra leið).

Mikilvægt er að skrá sig sem fyrst asdisk@krabb.is eða í síma 540 1912 þar sem einnig er hægt að fá nánari upplýsingar og www.krabb.is

Krabbameinsfélagið Sigurvon býður félögum sínum frítt uppihald og frítt í rútu frá R-vík. !

Súpuhittingur hjá Vinum í Von !

2010-11-17T10:44:00.002Z

Ljúffeng súpa !

Vinir í Von komu saman s.l. laugardag í kaffispjall, göngutúr og þessa líka flottu súpu. Mikið var spjallað og er næsti hittingur Vina í Von 27. nóvember n.k. kl. 11:00 (kosningadaginn) og næsta spilakvöld, þriðjudagskvöldið 7. desember kl. 20:00. Hvetjum sem flesta til að mæta og minnum jafnframt á Aðalfund Sigurvonar mánudagskvöldið 22. nóvember kl. 20:00 !

Aðalfundur Sigurvonar 22. nóv. !

2010-11-11T11:43:00.008Z

Aðalfundur

krabbameinsfélagsins Sigurvonar

verður haldinn að
Pollgötu 4, þ.s. Sigurvon
er með skrifstofuaðstöðu

mánudaginn 22. nóvember

kl. 20:00

Venjuleg aðaðfundarstörf

Kaffi í boði Sparisjóðs Vestfirðinga

Stjórnin

Fjölmennum á fundinn!

Jólakort 2010 væntanleg !

2010-11-10T12:08:00.003Z

Kristjánsbúð

Klúka

Tvö ný jólakort Krabbameinsfélagsins Sigurvonar á norðanverðum Vestfjörðum eru komin í prentun. Þau eru prýdd myndum áhugaljósmyndarans Ágústs G. Atlasonar. Er þetta annað árið í röð sem Ágúst styrkir gott málefni og gefur félaginu myndir. Hann hefur verið öflugur í ljósmyndun undanfarin misseri og haldið sýningar víða. Ágúst hefur fengist við ljósmyndun síðan 1990. Einstakt landslag Vestfjarða er vinsælt myndefni hjá Ágústi og þarf engan að undra það miðað við fegurðina á meðfylgjandi myndum sem prýða jólakort Sigurvonar. Jólakortin koma í sölu von bráðar en ágóðinn rennur í styrktarsjóð Sigurvonar

Fyrsta Félagsvist Vina í Von !

2010-11-03T10:40:00.002Z

Laugardagshittingur tvö hjá Vinum í Von var s.l. laugardag og var góð mæting, næsti laugardagshittingur er laugardaginn 13. nóvember. Fyrsta spilakvöld vetrarins var í gærkvöldi og var spiluð Félagsvist við mikla kátínu. Í fyrstu átti að hafa miðvikudagshittinga fyrsta miðvikudag í mánuði, en hefur verið breytt í þriðjudagshittinga. Næsti þriðjudagshittingur og Félagsvist, verður þriðjudaginn 7. desember kl. 20:00. Munið tengil Vina í Von hér til hægri, en þar er hægt að fylgjast með því hvenær Vinir í Von koma saman :o)

Vinir í von hittast og skipuleggja vetrarstarfið !

2010-10-23T15:35:00.004Z

Vinir í Von hittust kl. 13 í dag að Pollgötu 4, nýju aðstöðu Sigurvonar, fengu sér kaffi og meðlæti og skipulögðu vetrarstarfið. Ákveðið var að hittast 2. og 4. hvern laugardag kl. 11 að Pollgötu 4, þ.s. starfið hófst óvenju seint í vetur er aftur hittingur næsta laugardag, eða 30. október, svo 13. nóvember, 27. nóvember og 11. desember. Einnig var ákveðið að koma saman á 1. miðvikudagskvöldi hvers mánaðar og ýmist prjóna, föndra, tálga eða taka í spil og fyrsti kvöldhittingurinn er miðvikudaginn 3. nóvember kl. 20:00 að Pollgötu 4 og næsti 1. desember kl. 20:00. Boðið verður upp súpu og meðlæti á laugardögum, haldið áfram göngutúrum í hádeginu, haldin ýmis námskeið s.s. sápugerð og boðið upp á fyrirlestra. Einnig er möguleiki á að hittast í Vesturafli í Mjallargötu, en verður það boðað sérstaklega og auglýst. Allar nánari upplýsingar um fundi Vina í Von er að finna hér hægra megin á síðunni, með því að smella á "Vinir í Von 2010" !

Vinir í Von hefja vetrarstarf !

2010-10-21T11:31:00.000Z

Vinir í Von ætla að hefja vetrarstarfið með því að hittast í kaffispjalli kl. 13:00 n.k. laugardag að Pollgötu 4, þ.s. félagið er með skrifstofuaðstöðu. Fjölmennum og tökum þátt í undirbúningi starfs vetrarins !

Fréttatilkynning - Ályktun !

2010-10-14T11:17:00.003Z

Fjórðungssjúkrahúsið á Ísafirði

Krabbameinsfélagið Sigurvon tekur heilshugar undir ályktun sem lögð var fram á borgarafundi 7. okt. s.l. og telur miður ef yfirvöld sjá ekki að sér í þessum efnum og bindi annars endahnút á þann árangur og umbætur sem Krabbameinsfélagið Sigurvon hefur unnið að undanfarin ár. Eftirfarandi ályktun var samþykkt samhljóða á stjórnarfundi Sigurvonar 12. október s.l.: “Stjórnarfundur haldinn á skrifstofu Sigurvonar 12. október 2010 hafnar alfarið þeim stórfellda niðurskurði á heilbrigðisþjónustu á Vestfjörðum sem lagður er til í fjárlagafrumvarpi ríkisstjórnarinnar. Þar með yrði bundinn endi á þann árangur og umbætur sem Krabbameinsfélagið Sigurvon hefur staðið að f.h. sinna félagsmanna undanfarin ár. Stjórnin krefst þess að fallið verði frá boðuðum niðurskurði á sjúkrasviði Heilbrigðisstofnunar Vestfjarða og tryggt verði að Vestfirðingar búi við sambærilegt öryggi í heilbrigðismálum og aðrir landsmenn”.

Stjórn Sigurvonar

Bleikur föstudagur !

2010-10-07T13:54:00.000Z

Bleikur Föstudagur !

Starfsfólk Krabbameinsfélags Íslands hvetur fyrirtæki til að sýna samstöðu í baráttunni gegn krabbameini hjá konum og hafa „Bleikan föstudag." Krabbameinsfélagið mælist því til þess að starfsfólk mæti til vinnu á föstudag í bleikri flík eða með bleikan fylgihlut. „Þetta getur skapað afskaplega skemmtilega stemmningu á vinnustaðnum, unnt er að halda keppnir um flottasta dressið eða einfaldlega hafa bara gaman af og um leið vekja athygli á árveknisátakinu gegn krabbameini hjá konum,“ segir í tilkynningu.

Starfsfólk Krabbameinsfélagsins óskar ennfremur eftir því að fólk sendi félaginu myndir frá Bleika föstudeginum á netfangið laila@krabb.is þannig að hægt sé að setja það inn á síður félagsins, www.krabb.is ogwww.facebook.com/bleikaslaufan.

Hvunndagshetju veitt Bleika slaufan !

2010-10-03T02:24:00.011Z

Geirþrúði Charlesdóttur á Ísafirði var í dag afhent fyrsta bleika slaufan á norðanverðum Vestfjörðum og þar með hófst formlega árvekni- og fjáröflunarátak Krabbameinsfélags Íslands og aðildarfélaga þess. Eins og alþjóð veit er Bleika slaufan er tákn Krabbameinsfélagsins í baráttunni gegn krabbameini hjá konum, einkum þó brjóstakrabbameini sem er algengast þeirra. Þetta hefur verið gert í áratug og hefur bleiki liturinn verið notaður til að leggja áherslu á málefnið. Í ár hefur verið ákveðið að veita hvunndagshetjum sem horfst hafa í augu við sjúkdóminn þann heiður að fá afhentar með viðhöfn eintak af slaufunni.

Hjá Krabbameinsfélaginu Sigurvon á norðanverðum Vestfjörðum var Geirþrúður fyrir valinu. Hún fékk brjóstakrabbamein 34 ára að aldri og eftir baráttu og sigur gegn sjúkdóminum hefur hún verið ötull stuðningsmaður í stríðinu gegn krabbameini. Ekki síst í gegnum Samhjálp kvenna sem eru samtök kvenna sem greinst hafa með krabbamein í brjóstum en þar hefur Geirþrúður verið meðal forystumanna í áraraðir.
Um 15 þúsund konur koma í Leitarstöð Krabbameinsfélagsins við Skógarhlíð á hverju ári og um fimm þúsund konur mæta í krabbameinsleit á vegum félagsins um allt land. Þetta veitir okkur tækifæri til að kynna konum ýmsar leiðir til að hafa áhrif á heilsuna, og það ætlum við að nýta okkur enn frekar,“ segir Ragnheiður Haraldsdóttir, forstjóri Krabbameinsfélags Íslands.

„Styðjið baráttuna gegn krabbameinum og hafið slaufuna ykkar sýnilega í októbermánuði,“ segir á vef Krabbameinsfélagsins. Slaufan kostar 1.500 krónur og er hönnuð af Ragnheiði I. Margeirsdóttur vöruhönnuði sem vann samkeppni Bleiku slaufunnar í ár. Innblástur er sóttur í þjóðleg klæði formæðra okkar, íslenska þjóðbúninginn og það sem honum fylgir.
thelma@bb.is

Bleika slaufan fæst í Apótekinu, Samkaupum og Pennanum/Eymundsson á Ísafirði !

GÖNGUM SAMAN 5. september !

2010-09-01T11:05:00.005Z

GÖNGUM SAMAN SUNNUDAGINN 5. september kl. 11:00 ! Gengið verður frá Gamla Sjúkrahúsinu og boðið upp á tvær gönguleiðir. Fullorðið göngufólk er beðið að greiða 3.000 kr. í styrktarsjóð Göngum Saman. Frítt fyrir börn. Söfnunarféð rennur til styrktar grunnrannsóknum á brjóstakrabbameini. Í boði verða léttar veitingar að göngu lokinni og jafnframt boðin til sölu buff, armbönd og bolir. Hvetjum sem flesta til að mæta !

Vinir í Von ljúka vetrarstarfi !

2010-06-02T11:32:00.005Z

Sunnudagskvöldið síðasta hittust Vinir í Von að Mánagötu 6 til að ljúka vetrarstarfi og fagna sumri. Pantaður var góður matur og setið fram eftir kvöldi við skemmtiatriði, grín, glens og spjall. Mæting var mjög góð, en nú ætlar hópurinn í sumarfrí og staðráðinn í að hittast endurnærður í haust og hefja starfið á ný í september. Mun samvera vera á sama tíma og s.l. vetur, eða 1. og 3. hvern laugardag í mánuði frá 11:00 - 13:00. Takk fyrir veturinn !

Vinir í von fagna vetrarlokum !

2010-05-19T11:59:00.007Z

Vinir í von koma saman í síðustu samverustund vetrarins 30. mai n.k. og ætla að gera sér glaðan dag, eða öllu heldur gleðilega kvöldstund. Mæting verður í aðstöðu Vesturafls að Mánagötu 6, Ísafirði og er stefnan að panta saman mat og eiga saman góðar stundir eftir yndislega samveru á liðnum vetri. Nauðsynlegt er að skrá sig svo hægt sé að áætla kostnað. Auður H Ólafsdóttir tekur við skráningum í síma 692 3580 !

Samráðsfundur KÍ og aðalfundur KÍ !

2010-05-11T13:17:00.007Z

Föstudaginn 7. maí fór fram sameiginlegur fundur allra svæðafélaga KÍ, en þá koma saman stuðningsfélög af öllu landinu og bera saman bækur sínar. Morguninn fór í fróðlegt spjall og eftir hádegi var farið yfir heimasíðu KÍ, en þar standa yfir miklar breytingar. Á laugardeginum var aðalfundur KÍ haldinn fyrir hádegi og haldið í hádegismat í Perlunni. Ýmsir fyrirlestrar voru fluttir eftir hádegi og þrátt fyrir mikinn niðurskurð var létt yfir öllum og bjartsýni ríkjandi !

Samverustund hjá Vinum í Von !

2010-04-30T10:51:00.002Z

Minnum á samverustund hjá Vinum í Von í fyrramálið frá 11 - 13 að Mánagötu 6 í húsnæði Vesturafls !

Við erum flutt að Pollgötu 4 !

2010-04-14T09:55:00.006Z

Krabbameinsfélagið Sigurvon er nú flutt og ný skrifstofa hefur verið opnuð að Pollgötu 4, jarðhæð (sama húnsnæði og BT var í á sínum tíma, vinstra megin við apótekið) Enn er eftir að setja upp nokkrar hillur og forfæra á skrifstofunni og koma hinu ýmsa dóti fyrir eins og sjá má á myndum, en þetta kemur allt smám saman :-) Endilega kíkið við og skoðið aðstöðuna, sem er opin frá 10-12 þriðju- og miðvikudaga, en frá 11-13 á fimmtudögum !

Tiltekt fyrir flutninga !

2010-03-25T11:17:00.015Z

Mikil tiltekt hefur farið fram á skrifstofu Sigurvonar síðustu daga og eins og alltaf finnst eitthvað sem hefur hreinlega horfið tímabundið "neðst í bunkann". Kom í ljós myndadiskur sem sendur hafði verið vestur eftir Formannafund KÍ, sem haldinn var á Ísafirði í október 2007. Alltaf gaman að skoða "gamlar" myndir og látum við þær flakka hér. Smá galli er á uppsetningunni, en ýta þarf á myndina efst til vinstri til að koma myndasýningu í gang. Gott að ýta á F11 til að myndasýning fylli skjáinn í tölvunni. Til stendur að flytja skrifstofu Sigurvonar að Pollgötu 4 og eru framkvæmdir þar á fullu. Ekki er ljóst hvort næst að flytja fyrr en eftir páska, en við látum vita þegar allt brestur á. Nú er Sigurvon komin á Facebook og tilvalið að gerast meðlimur í þeim hópi svo hægt sé að fylgjast með nýjustu fréttum :-)

Ríkisstjórnin bannar notkun ljósabekkja !

2010-03-23T17:50:00.003Z

Þessa frétt mátti lesa í DV í dag og er þetta ánægjulegt skref í baráttunni við húðkrabbamein !

-----------------------------
Þriðjudagur 23. mars 2010 kl 15:21
Höfundur: Ritstjórn DV (ritstjorn@dv.is)
Ríkisstjórn samþykkti í dag tillögu Álfheiðar Ingadóttur heilbrigðisráðherra um bann við ljósabekkjanotkun einstaklinga undir 18 ára aldri. Verður frumvarpið lagt fyrir Alþingi eftir kynningu í þingflokkum. Með samþykkt frumvarpsins yrði Ísland eftir því sem næst verður komist fyrst Norðurlandanna til að innleiða slíkar reglur. Í Finnlandi er ráðgert að leggja sambærilegt frumvarp fram á haustþingi.
Undanfarin sjö ár hafa fagaðilar staðið fyrir fræðsluherferð þar sem bent er á hættuna sem fylgir því að ungt fólk fari í ljósabekki. Hefur herferðin beinst að fermingarbörnum og forráðamönnum þeirra og hefur dregið verulega úr ljósabekkjanotkun ungs fólks síðan herferðin hófst. Í viðhorfskönnun, sem Capacent-Gallup gerði fyrir Lýðheilsustöð í desember 2009, sögðust rúm 72 prósent aðspurðra vera fylgjandi lagasetningu um bann 18 ára og yngri við notkun á ljósabekkjum.
Tillagan nýtur eindregins stuðnings starfshóps um útfjólubláa geislun, sem auk fulltrúa Geislavarna ríkisins er skipaður fulltrúa Krabbameinsfélagsins, landlæknis, Lýðheilsustöðvar og Félags húðlækna.

Mottumars í fullum gangi !

2010-03-23T17:39:00.005Z

Mottumars er enn í fullum gangi og gaman að sjá hve margir vestfirskir karlmenn hafa bæst í hópinn, verður spennandi að fylgjast með og ljóst að margar mottur fjúka 1. apríl :-D
Frétt hér að neðan er af vef bb.is
-------------------
bb.is 22.03.2010 09:32
Önfirsk motta slær í gegn
Önfirðingurinn Hinrik Greipsson er í fimmta sæti í mottukeppni Krabbameinsfélags Íslands en hann hefur safnað alls 154.493 krónum síðan átakið hófst. Aðeins munar rúmum 2.000 krónum á fimmta og fjórða sætinu. Hinrik var síðast með skegg árið 1976 en ætlar að láta mottuna fjúka 1. apríl á þessu ári. Efstur í einstaklingskeppninni er Reykvíkingurinn Rúnar Sigurðsson sem hefur safnað 283.960 krónum þegar þessi orð eru skrifuð. Markmið með átakinu er að vekja karlmenn til vitundar um krabbamein og auka bæði samstöðu þeirra og umræðu og í ár vill Krabbameinsfélagið vekja keppnis- og baráttuandann í brjósti karla og rjúfa þögnina um krabbamein karla. Eins og greint var frá á dögunum er fjölmargir vestfirðingar meðal þátttakenda í keppninni. Myndir af keppendum og upplýsingar um framgang þeirra í keppninni má finna á vef átaksins. Þar er einnig hægt að heita á þá menn sem maður vill styðja. kristjan@bb.is

Frábærir tónleikar Fjallabræðra

2010-03-15T14:43:00.007Z

Tekið af vef bb.is

„Tónleikarnir voru frábærir, það var mikið fjör og mikið gaman,“ segir Sigurður Ólafsson, formaður Krabbameinsfélagsins Sigurvonar á norðanverðum Vestfjörðum um styrktartónleika vestfirska karlakórsins Fjallabræðra sem fóru fram í íþróttahúsinu á Flateyri á laugardag. Sigurður segist telja að hátt í 300 manns hafi sótt tónleikana. „Við erum ekki búin að taka það nákvæmlega saman en ég held að það hafi verið eitthvað á bilinu 250 til 300 manns í húsinu.“ Ágóði tónleikanna rann til styrktar Sigurvonar og segir Sigurður að slíkur stuðningur sé ómetanlegur. „Það gefur þessu mikið gildi og það ber að þakka þeim Fjallabræðrum ærlega fyrir og eins eiga skilið þakklæti allir þeir sem komu að tónleikunum, en fullt af fyrirtækjum lögðu hönd á plóg.“ Sigurður segir mikla stemmningu hafa verið í húsinu. „Ég hef ekki heyrt annað en að fólk hafi skemmt sér vel. Kórfélagarnir voru allavega mjög ánægðir og skemmtu sér vel uppi á sviðinu.“ Athygli vakti að fiðluleikari kórsins og eina konan, Unnur Birna Björnsdóttir, var fjarverandi og í hennar stað hafði verið stillt upp á sviðinu pappamynd af henni í fullri stærð. „Hún veiktist og komst ekki og því ákváðu þeir að skella upp mynd af henni til að hafa ásýnd hennar hjá sér á sviðinu. Magnús Þór Sigmundsson var einnig fjarverandi, þó að hann hefði gjarnan viljað koma, en hann hafði lofað fyrir löngu að syngja fyrir íþróttafélag í Hveragerði sem hann var í þegar hann var lítill gutti,“ segir Sigurður. thelma@bb.is

Viðburðir framundan !

2010-03-04T11:13:00.010Z

Blettadagur föstudaginn 5. mars milli 14:00 og 16:00 !

Vinir í Von funda 6. mars frá 11:00 - 13:00 !

Pinnasala Karlar og krabbamein 6. og 7. mars !

Styrktartónleikar m/Fjallabræðrum 13. mars kl. 20:00 í íþróttahúsinu á Flateyri !

Forsala aðgöngumiða á tónleikana er hafin og er hægt að nálgast miða á Ísafirði hjá Birki ehf. og í Bókahorninu í Neista og á Flateyri hjá N1 !

Mottu-mars - Allir karlar að skrá sig !

2010-03-02T11:36:00.004Z

Hafin er samkeppni á landsvísu í söfnun yfirvaraskeggs í tilefni af átakinu Karlar og Krabbamein. Hvetjum við Vestfirska karlmenn til að láta ekki sitt eftir liggja og hefja söfnun á mottu nú þegar :-D Frekari upplýsingar um keppni, skráningu og fyrirkomulag má finna hér. Nokkrir hafa verið iðnir undanfarna daga og eru Karlaklúbbar, íþróttafélög og kórar í viðbragðsstöðu víða um landið og tilbúnir að vakta ákveðna sölustaði um næstu helgi, eða selja innbyrðis í virka karlahópa ! Okkur vantar sjálfboðaliða n.k. laugardag til að selja pinnan og hvetjum áhugasama til að hafa samband við Ingibjörgu Snorra í síma 867 7942.

Ungt fólk varað við ljósabekkjanotkun !

2010-03-02T11:33:00.004Z

Nú er að hefjast átak sem beinist að fermingarbörnum og forráðamönnum þeirra þar sem bent er á hættuna sem fylgir því að ungt fólk fari í ljósabekki. Vakin er athygli á því að börn og unglingar séu næmari en aðrir fyrir skaðlegum áhrifum geislunar frá ljósabekkjum og sól. Tíðni húðkrabbameins hefur aukist mikið á síðustu áratugum, einkum tíðni svonefndra sortuæxla, en þau eru alvarlegasta tegund húðkrabbameins og algengasta tegund krabbameins hjá konum á aldrinum frá 15 til 34 ára. Foreldrar og aðrir forráðamenn fermingarbarna eru hvattir til að fara að tilmælum alþjóðastofnana um að börn og unglingar fari ekki í ljósabekki. Nýlega hafa verið settar fram tillögur á norrænum vettvangi um að banna þeim sem eru yngri en átján ára að fara í ljós. Slíkt bann hefur þegar tekið gildi í nokkrum löndum, m.a. í Skotlandi.

Í kjölfar fræðsluherferðanna síðustu ár hefur dregið úr ljósabekkjanotkun ungs fólks og nokkrar sveitarstjórnir hafa hætt að bjóða upp á sólböð í ljósabekkjum í íþróttamannvirkjum sínum. Með herferðinni er stefnt að því að draga enn frekar úr ljósabekkjanotkuninni. Leitað verður til presta landsins um að leggja málefninu lið, eins og undanfarin ár.

Þetta er sjöunda árið sem farið er í fræðsluherferð undir slagorðinu „Hættan er ljós“. Skilaboðin eru frá Félagi íslenskra húðlækna, Geislavörnum ríkisins, Krabbameinsfélaginu, Landlæknisembættinu og Lýðheilsustöð. Birtar verða auglýsingar í dagblöðum og á vefsíðum, m.a. Facebook, og fjallað um málið í fjölmiðlum.

Pinnasala 6. - 8. mars n.k. !

2010-02-25T12:21:00.008Z

Mars mánuður verður tileinkaður kynningarátaki nefnt Karlar og krabbamein. Stórt margþætt fjáröflunar og kynningarátak verður á vegum Krabbameinsfélags Íslands á tímabilinu 6. mars - 2. apríl. Pinnasala fer fram dagana 6.-8. mars og mun Krabbameinsfélagið Sigurvon taka þátt í þeirri sölu. Þeir sem vilja leggja þessu verkefni lið vinsamlegast hafið samband við Ingibjörgu Snorra í síma 867-7942. Pinninn kostar 1.500 kr. og verður seldur fyrir utan kjörstaði.... ef að kosningu verður, annars á að ganga í hús. Frekari myndir af þessum flotta pinna, sem er í formi yfirvaraskeggs má sjá hér.

Blettaskoðun 5. mars milli kl. 14 og 16 !

2010-02-17T11:31:00.004Z

Hinn árlegi blettadagur Krabbameinsfélagsins Sigurvonar fer fram föstudaginn 5. mars n.k. á milli kl. 14:00 og 16:00. Ekki þarf að panta tíma, bara mæta og kostar þetta ekkert. Þorsteinn og Fjölnir sjá um að skoða alla bletti alveg að kostnaðarlausu ! Hvetjum við sem flesta til nýta þetta tækifæri en skoðunin fer fram á Heilsugæslustöðinni á Ísafirði !

Vinir í von koma saman á morgun !

2010-02-05T14:04:00.006Z

Vinir í Von koma saman kl. 11 í fyrramálið að Mánagötu 6 og verður spjallfundur. Eins og ákveðið var á síðasta fundi, hittast Vinir í von 1. laugardag hvers mánaðar og er þá spjallfundur, kynningar eða námskeið, 3. hvern laugardag er útivist ásamt spjalli. Á morgun mun jafnframt fara fram kynning á ýmsum námskeiðum sem eru í boði hjá Vesturafli, einnig verður starfsemi Vesturafls kynnt.

Vinir í Von hittast á morgun kl. 11 !

2010-01-22T08:38:00.005Z

Vinum í Von ætla að hittast á morgun, laugardaginn 23. janúar kl. 11 og spjalla og ræða starfið framundan. Ekki gátu margir mætt á síðasta fund og verður því reynt aftur á morgun. Á dagskrá er spjall, "brainstorming", eða "heilaspuni" þ.s. starfið framundan verður kortlagt og allar uppástungur vel þegnar. Stefnt er á göngutúr ef veður leyfir og endað á súpu, brauði og meira spjalli ! Sjá má fréttatilkynningu um Vini í Von á BB !

Vinir í Von koma saman 16. janúar 2010 !

2010-01-08T12:34:00.006Z

Næsti hittingur hjá Vinum í Von verður laugardaginn 16. janúar kl. 11:00. á dagskrá er spjall, "brainstorming", eða "heilaspuni" þ.s. starfið framundan verður kortlagt og allar uppástungur vel þegnar. Stefnt er á göngutúr ef veður leyfir og endað á súpu, brauði og meira spjalli !

Nýárskveðja !

2009-12-29T12:21:00.003Z

Gleðileg jól og farsælt komandi ár !

2009-12-22T11:16:00.013Z

Sigurvon og
Vinir í von
óska félögum sínum,
velunnurum sem og
landsmönnum öllum

gleðilegra jóla

og farsældar á komandi ári.

Þökkum samstarf, stuðning
og velvilja á líðandi ári

og hlakkar okkur til áframhaldandi samstarfs !

Vinir í von og húllahringir !

2009-12-12T16:56:00.013Z

Vinir í von komu saman í morgun og áttu góðar stundir. Byrjað var á hressandi göngutúr undir stjórn Auðar Ólafs, en Heiðrún Björns snaraði fram súpu og meðlæti á meðan. Allir komu saman um kl. 12 og fór fram húllahringja kynning. Kristín Kjartansdóttir sá um kynningu og vöktu þeir mikla lukku og athygli og verða pottþétt undir mörgum jólatrjám í ár. Súpa og spjall hélt áfram og er stefnt á næsta hitting snemma í janúar og verður hann auglýstur nánar síðar hér á vefnum, með tölvupósti og símtölum.

Vinir í von koma saman 12. desember !

2009-12-03T11:20:00.005Z

Vinir í von koma næst saman laugardaginn 12. desember kl. 11 og hittast á sama stað og síðast, eða Mánagötu 6. Heitt verður á könnunni og spjall og samvera fyrir þá sem vilja og göngutúr fyrir þá sem treysta sér til. Allir koma svo saman í súpu í hádeginu og verður þá einnig boðið upp á kynningu á húllahringjum. Um kynninguna sér ísfirðingurinn Kristín Kjartansdóttir og ætti enginn að láta þetta fram hjá sér fara. Hvetjum félaga til að fjölmenna !

Jólakortasala gengur vel !

2009-12-01T14:49:00.007Z

Frétt af vef bb.is

bb.is 01.12.2009 13:09
Jólakort Krabbameinsfélagsins Sigurvon á norðanverðum Vestfjörðum hafa fengið góðar viðtökur. Svo vel hafa þau selst að þörf var á annarri prentun og er von á henni í lok vikunnar. Þá hefur einn aðili á Suðurlandi pantað hjá Sigurvon 100 stykki sem hann hyggst selja erlendum viðskiptavinum sínum. Að þessu sinni eru kortin prýdd myndum áhugaljósmyndarans Ágústar G. Atlasonar. Önnur myndin er af dansi norðurljósa yfir Skutulsfirði en á hinni hefur ljósmyndarinn fest á filmu friðsæld aðventunnar í miðbæ Ísafjarðar. Ágóði af sölu kortanna rennur í styrktarsjóð Sigurvonar. Þau fást í verslunum víða um Vestfirði en einnig er hægt að panta þau í símum 897 5502 og 456 5650.

thelma@bb.is

Vinir í Von í kransagerð !

2009-11-28T16:46:00.007Z

Vinir í Von komu saman í morgun og gerðu ýmist hurðakransa eða aðventukransa. Kolbrún Smith leiddi hópinn og voru gerðir margir flottir kransar. Boðið var upp á kaffi, heitt súkkulaði og smákökur. Mikið var spjallað og góð mæting. Næst koma Vinir í Von saman laugardaginn 12. desember kl. 11 og er mæting á sama stað og áður, eða að Mánagötu 6, í húsnæði Vesturafls. Dagskrá verður auglýst nánar fljótlega.

Jólakortin komin í sölu !

2009-11-25T10:57:00.009Z

Jólakortin eru nú óðum að detta inn í verslanir og eru nú þegar fáanleg í Húsasmiðjunni, Blómabúðinni, Birki ehf., Bensínstöðinni N1, Hafnarbúðinni, Bókahorninu, Heilsugæslustöðinni, Hlíf, Samkaup / Úrval Bolungarvík og á Hólmavík.

Vinir í von munu funda n.k. laugardag kl. 11 að Mánagötu 6, í aðstöðu Vesturafls og verður kennd gerð Hurðakransa. Hvetjum félaga til að mæta !

Vinir í Von funda !

2009-11-19T12:52:00.015Z

Vinir í Von komu saman á fyrsta fundi vetrarins þ. 16. nóv. s.l. og var fundurinn haldinn að Mánagötu 6 í aðstöðu Vesturafls. Góð mæting var og er vetrarplan óðum að mótast. Ákveðið var að fundir yrðu hálfsmánaðarlega, á laugardögum kl. 11. Næsti fundur er því laugardaginn 28. nóvember kl. 11:00. Mæting verður áfram á sama stað, eða Mánagötu 6, húsnæði Vesturafls. Ýmislegt verður í boði á þessum fundum, s.s. námskeið, handverk ýmiskonar, fyrirlestrar, spjall, göngur, meðlæti, súpur o.s.frv. Laugardaginn 28. nóvember er stefnan að halda námskeið í gerð Hurðakransa og laugardaginn 12. desember verður kynning á Húllahringjum, eru félagar hvattir til að mæta.

Aðalfundur Sigurvonar 2009 !

2009-11-13T09:48:00.007Z

Aðalfundur Sigurvonar gekk vel í gær. Engar miklar breytingar voru gerðar og var formaðurinn, Sigurður Ólafsson endurkjörinn með lófataki. Eins var með aðra meðstjórnendur, þær Ólafíu Aradóttur, Oddný Birgisdóttur, Auði Ólafsdóttur og Heiðrúnu Björnsdóttur. Varamaður til fjölda ára, Sigríður Ragnarsdóttir gaf ekki kost á sér og kom nýr varamaður inn, Helena Hrund Jónsdóttir, en hún og Jóhanna Ása á Hólmavík, voru kjörnar með lófataki. Vill félagið þakka Sigríði Ragnarsdóttur óeigingjarnt starf á liðnum árum og óskar henni velgengni til framtíðar. Ákveðið var að árgjöld yrðu þau sömu, eða 2.000 kr. Skoðendur reikninga voru einnig endurkjörnir, aðalmenn Sólveig Gísladóttir og Sigurður Þórðarson og til vara Hreinn Pálsson. Vinir í von fengu nýja stuðningsaðila, en Guðfinna Sigurjónsdóttir, Auður Ólafsdóttir og Heiðrún Björnsdóttir munu blása lífi í starf stuðningshópsins og er fyrsti fundur Vina í von þennan veturinn n.k. mánudagskvöld kl. 20:00 í húsnæði Vesturafls, sem er staðsett í Mánagötu á milli Snerpu og Hjálpræðishersins.

Jólakort Sigurvonar 2009 !

2009-11-10T17:24:00.010Z

bb.is 10.11.2009 16:13
Myndir Ágústar prýða jólakort Sigurvonar
Tvö ný jólakort Krabbameinsfélagsins Sigurvonar á norðanverðum Vestfjörðum eru komin í prentun. Að þessu sinni eru þau prýdd myndum áhugaljósmyndarans Ágústar G. Atlasonar. Ágúst segist vilja styrkja gott málefni og gefur því félaginu myndirnar. Hann hefur verið öflugur í ljósmyndun undanfarin misseri og haldið víða sýningar. Hann hefur fengist við ljósmyndun síðan 1990. Einstakt landslag Vestfjarða er vinsælt myndefni hjá Ágústi og þarf engan að undra það miðað við fegurðina á meðfylgjandi mynd sem prýðir annað jólakort Sigurvonar. Jólakortin koma í sölu von bráðar en ágóðinn rennur í styrktarsjóð Sigurvonar.

Þess má geta að aðalfundur Sigurvonar fer fram á Hótel Ísafirði kl. 20:30 á fimmtudag. Fara þá fram hefðbundin aðalfundarstörf.
Tekið af vef BB.is

Aðalfundur Sigurvonar 12. nóv. kl. 20:30 !

2009-11-04T18:18:00.003Z

Aðalfundur krabbameinsfélagsins Sigurvonar verður haldinn á Hótel Ísafirði, fimmtudaginn 12. nóv. n.k. kl. 20:30. Venjuleg aðalfundarstörf. Kaffi í boði Sparisjóðs Vestfirðinga. Stjórnin hvetur félaga til að fjölmenna á fundinn!

Sölustaðir Bangsa KÍ á Ísafirði !

2009-10-28T19:23:00.007Z

Bangsar KÍ fást í verslununum Konur og Menn, Blómabúðinni, Bensínstöðinni (N1) og Heitt á Prjónunum. Hægt er að hringja í Sigrúnu Baldurs 456 4044 og fá nánari upplýsingar :-)

Bangsar styrkja Krabbameinsfélagið !

2009-10-28T12:11:00.004Z

Frá fimmtudegi til sunnudags stendur Friendtex fyrir landssölu á böngsum til styrktar leitarstarfi hjá Krabbameinsfélagi Íslands. Fyrirtækið tekur nú þátt í baráttunni gegn krabbameini sjöunda árið í röð.

"Núna er fjögurra daga söluátak á Friendtex böngsunum og rennur allur ágóði af sölu þeirra óskiptur til Krabbameinsfélagsins," segir Ása Björk Sigurðardóttir, eigandi Friendtex á Íslandi. Hjá fyrirtækinu starfa 28 sjálfstætt starfandi sölufulltrúar sem staðsettir eru víðsvegar um land - allt frá Reykjavík til Vopnafjarðar. Þeir munu annast söluna ásamt öðrum velunnurum Krabbameinsfélagsins.

"Sölufulltrúar okkar verða áberandi um allt land og hafa fundið fyrir mikilli velvild og jákvæðni í garð verkefnisins. Á Höfn í Hornafirði ætla nokkrar konur til að mynda að ganga hús úr húsi og selja bangsana, svo það er ljóst að það er mikil stemming fyrir þessu átaki," segir Ása Björk. Friendtex sér um sölu á tískufatnaði í heimakynningum og er stærsta fyrirtæki sinnar tegundar á Norðurlöndum. "Í vörulistanum okkar er einnig sérstakur bolur sem seldur er til styrktar Krabbameinsfélaginu."

Sigurvon gefur flatskjá !

2009-10-26T13:46:00.005Z

Krabbameinsfélag Íslands rekur nokkrar íbúðir fyrir krabbameins sjúklinga, sem oft nýtast okkar félagsmönnum, þegar fara þarf í meðferðir til Reykjavíkur. Færði Sigurvon, Krabbameinsfélagi Íslands 32 tommu flatskjá að gjöf 19. okt. s.l. og var þessi mynd tekin við það tækifæri. Sigurður Ólafsson formaður Sigurvonar færði Steinunni Friðriksdóttur, umsjónarmanni íbúðanna gjöfina.

MÁLÞING UM BRJÓSTAKRABBAMEIN !

2009-10-22T11:29:00.012Z

MÁLÞING UM BRJÓSTAKRABBAMEIN verður haldið í Ráðhúsi Reykjavíkur þriðjudaginn 27. október 2009 kl. 19:30. Sjá nánar hér.

BLEIKA BOÐIÐ fer fram 23. október, en þá býður Krabbameinsfélagið til kvöldstundar á konukvöldi í Listasafni Reykjavíkur. Sjá nánar hér.

Bragð í baráttunni !

2009-10-14T12:13:00.006Z

Út er komin bókin Bragð í baráttunni - matur sem vinnur gegn krabbameini. Bókin heitir á frummálinu Cooking with Food that fights Cancer og hefur vakið athygli víða um heim, enda er hér um tímamótarit að ræða. Bókin er gefin út af JPV útgáfu að frumkvæði Krabbameinsfélagsins Framfarar

Bókin, sem er aðgengileg, litrík og listilega hönnuð, hefur að geyma ítarlega umfjöllun um ýmis hráefni í matargerð sem talið er að geti unnið gegn myndun krabbameina. Þar eru einnig að finna yfir 160 gómsætar uppskriftir sem auðvelt er að fara eftir.

Heilbrigðisráðherra, Álfheiður Ingadóttir, veitir fyrsta eintakinu viðtöku í útgáfuhófi bókarinnar nk. miðvikudag, 14. október kl. 14 í sal Krabbameinsfélagsins í Skógarhlíð 8. Allir hjartanlega velkomnir.

Nánari upplýsingar....

Ný heimasíða Krabbameinsfélags Íslands !

2009-10-13T10:58:00.010Z

Álfheiður Ingadóttir heilbrigðisráðherra opnaði 8. október nýja og endurbætta heimasíðu Krabbameinsfélags Íslands að viðstöddum stjórnendum og starfsfólki félagsins. Heimasíðan er mikilvægt tæki fyrir þá sem leita upplýsinga um krabbamein og sem þurfa að nýta sér þjónustu Krabbameinsfélagsins.

Með sama hætti og Krabbameinsfélagið vill vera í fylkingarbrjósti í baráttunni gegn krabbameini á Íslandi vill félagið að heimasíða þess verði miðstöð þekkingar og upplýsinga um krabbamein.Þegar Álfheiður Ingadóttir heilbrigðisráðherra opnaði síðuna sagðist hún sjálf hafa komið í leitarstöð félagsins nokkuð reglulega frá því að hún var 20 ára og þær heimsóknir hefðu skipt sköpum í hennar lífi. „ Ég hvet alla en þó sérstaklega ungar konur til að vera duglegar að kynna sér vefinn og að mæta reglulega í skoðun hjá Krabbameinsfélaginu. Vefurinn er miðill unga fólksins, þess vegna vænti ég þess að nýr og viðmótsþýður vefur Krabbameinsfélagsins gagnist vel til að koma upplýsingum og fræðslu til nýrra kynslóða.“

Sjá meira hér !

Baráttumaður með bleika slaufu !

2009-10-13T09:16:00.003Z

Hér er skemmtileg frétt af baráttumanni með bleika slaufu :-)

Bleika slaufan uppseld í heildsölu !

2009-10-07T11:04:00.007Z

Tekið af vef BB - mbl.is 06.10.2009 11:59
"Salan á bleiku slaufunni hefur farið vel af stað það sem af er söfnunarátaki Krabbameinsfélags Íslands í ár. „Lagerinn hjá okkur kláraðist á mettíma, og vonumst við til að smásalan gangi að sama skapi vel,“ segir Gústaf Gústafsson, markaðs- og fjáröflunarstjóri Krabbameinsfélagsins, í fréttatilkynningu. Markmiðið er að selja 45.000 slaufur og fer allur ágóði til styrktar leitarstarfi Krabbameinsfélagsins."

Á Ísafirði er hún m.a. seld í Pennanum-Eymundsson, Heilsugæslunni, Samkaupum, Lyfju og víðar, en í ár er hún eingöngu til sölu hjá ýmsum stærri fyrirtækjum og kostar 1.000 kr.
Hér má sjá frétt á BB í dag 8. okt. ´09.

Safnahúsið baðað bleiku ljósi !

2009-10-02T11:48:00.005Z

bb.is 02.10.2009 11:24
Árveknisátak gegn brjóstakrabbameini er hafið ! Safnahúsið á Ísafirði verður baðað bleiku ljósi út október en mánuðurinn að vanda helgaður baráttunni gegn brjóstakrabbameini um allan heim. Er það liður í alþjóðlegu árveknisátaki sem nú er hrint af stað tíunda árið í röð að frumkvæði Estée Lauder. Bleik slaufa er tákn átaksins og hófst sala á henni í gær en sjaldan hefur verið meiri þörf á að styðja við starfsemi Krabbameinsfélagsins en nú. Allur ágóði af sölu bleiku slaufunnar fer að þessu sinni til leitarstarfs Krabbameinsfélags Íslands. Slaufan í ár er hönnuð af Sif Jakobs, sem hlotið hefur alþjóðlega viðurkenningu fyrir skartgripahönnun sína, og veitti Jóhanna Sigurðardóttir forsætisráðherra fyrstu slaufunni viðtöku í gær.

Tíu ár eru frá því að árveknisátaki um brjóstakrabbamein var hleypt af stokkunum hérlendis með sölu á bleiku slaufunni og hefur það vaxið og dafnað með hverju árinu sem líður.

thelma@bb.is

Dagskrá Ráðgjafarþjónustu til 10. nóv. !

2009-09-23T10:37:00.005Z

Opið að Skógarhlíð 8, 1. hæð alla virka daga kl. 09.00-16.00. Sími 800 4040. Netfang 8004040@krabb.is Hægt er að panta viðtal við félagsráðgjafa, hjúkrunarfræðing eða koma á staðinn. Aðstaða fyrir fundi og námskeið og til að hittast yfir kaffibolla. Stuðningshópar halda flesta sína fundi í húsnæðinu. Framkvæmdastjóri Krafts, stuðningsfélags fyrir ungt fólk sem greinst hefur með krabbamein og aðstandendur, er með skrifstofu í Ráðgjafarþjónustunni. Öll þjónustan er án endurgjalds.
Hér má sjá nánari dagskrá 21. sept. til 10. nóv. 2009 !

Nýjar uppgötvanir v/blöðruhálskrabba !

2009-09-21T12:03:00.002Z

Vísindamenn Íslenskrar erfðagreiningar ásamt vísindamönnum í Finnlandi, Hollandi, Bandaríkjunum og á Spáni, hafa fundið fjóra breytileika í erfðamengi mannsins, sem auka mjög líkur á krabbameini í blöðruhálskirtli, segir í tilkynningu frá Íslenskri erfðagreiningu. Þessar niðurstöður verða nýttar til frekari greiningarprófana og munu væntanlega gagnast í baráttunni við þessa tegund krabbameins. Frétt á Vísir, 21. sep. 2009 08:07 .

Fjórir ættliðir tóku þátt í Göngum saman !

2009-09-07T09:38:00.007Z

Góð þátttaka var í göngu "Göngum saman" í gær og mættu skvísur á öllum aldri, börn og herramenn. Töluvert var um að heilu ættliðirnir tækju þátt ýmis 3 eða 4. Gengnar voru tvær vegalengdir 3 og 7 km. Veðrið var yndislegt og í lok göngu fengu allir fótakrem fra Eyvon, drykk í boði Vífilfells og bakkelsi í boði Gamla bakarísins. Buff voru einnig seld á staðnum og vilja Sigurvon og Heilsuefling Ísafjarðarbæjar þakka kærlega fyrir góða þátttöku, sjálfboðavinnu og alla styrki og stuðning, sem var veittur í ýmsu formi :-)

Göngum saman á Ísafirði 6. sept. kl. 11:00 !

2009-09-01T20:38:00.009Z

Verið velkomin í styrktargöngu Göngum saman
Gengið verður frá Gamla sjúkrahúsinu sunnudaginn
6. september kl. 11.00
Boðið verður upp á tvær vegalengdir 3 og 7 km
Skráning á http://www.gongumsaman.is/ eða á staðnum.
Þátttökugjald 3.000 kr, rennur beint til grunnrannsókna á brjóstakrabbameini.
Frítt fyrir börn.
Buff verða seld til styrktar samtökunum.
Eftir gönguna verður boðið upp á léttar veitingar.
Göngum saman og styrkjum gott málefni

VIÐ STYRKJUM RANNSÓKNIR Á BRJÓSTAKRABBAMEINI !

Krabbameinsfélagið Sigurvon
Heilsuefling í Ísafjarðarbæ

Víða hægt að leita upplýsinga !

2009-09-01T11:04:00.009Z

Þá er starfsmaður Sigurvonar mættur að mestu eftir sumarfrí, en mun vinna heiman frá sér þennan mánuðinn. Ekkert mál að taka upp símann og hafa samband, annað hvort í 456 5135 eða 867 7942 og spyrja um Ingibjörgu. Töluvert hefur verið haft samband síðustu mánuði þ.s. fólk er að leita upplýsinga og vil ég sérstaklega benda fólki á Ráðgjafarþjónustu Krabbameinsfélagsins í síma 540 1916. Hún er til húsa að Skógarhlíð 8 í húsi Krabbameinsfélagsins og er á fyrstu hæð. Þar eru m.a. veittar hagnýtar upplýsingar. Þar er alltaf kaffi á könnunni og öllum velkomið að líta við í spjall. Kraftur er annað félag, sem mjög gott er að leita til, en það er Stuðningsfélag fyrir ungt fólk og aðstandendur, sími 866 9600. Að sjálfsögðu minnum við enn og aftur á Sigurvon, sem jafnframt veitir allar upplýsingar !

Orlofsdvöl fyrir krabbameinssjúklinga !

2009-05-19T10:05:00.005Z

Sigurvon býður félögum sínum fría gistingu og uppihald í orlofsdvöl !
Hægt er að hafa samband í síma 456 5650 eða senda tölvpóst á sigurvon@snerpa.is til að sækja um orlöfsdvöl !
Orlofsdvöl (hvíldardvöl) á Löngumýri í Skagafirði í er samstarfsverkefni Krabbameinsfélags Skagafjarðar, Dugs stuðningsfélags krabbameinssjúklinga og aðstandenda þeirra í Skagafirði og kirkjunnar. Fyrst og fremst er hugmyndin að gefa fólki sem er á milli meðferða, hefur lokið meðferð eða fólki sem hefur lagt sig fram í starfi innan þessa málaflokks tækifæri til að safna kröftum og njóta samkenndar í góðu umhverfi með hæfilegri áreynslu, fræðslu og í návist maka eða aðstandenda. Lögð er áhersla á góðan mat, hreyfingu við hæfi, fræðsluerindi, helgistundir, kvöldvökur, en umfram allt jákvætt andrúmsloft og viðmót. Orlofsdvölin er ætluð fólki af öllu landinu. Sumarið 2009 verður boðið upp á a.m.k. þrjú 5 daga hvíldartímabil sem eru: 12. - 17. fyrir ekkla og ekkjur og 27. – 31. júlí. Síðasta tímabilið verður 3.- 8. ágúst. Nánari upplýsingar fást hjá Maríu Reykdal, formanni Dugs, í síma 863 6039 og hjá Gunnari Rögnvaldssyni staðarhaldara á Löngumýri í síma 453 8116.

Orlofsdvöl á Eiðum í umsjón Krabbameinsfélags Austfjarða og Austurlands verður 28. – 30. ágúst 2009. Er boðið upp á fræðslu og skemmtun. Upplýsingar fást hjá Önnu Heiðu í síma 474 1530 eða Álfheiði í síma 898 1530, netfang: kraus@simnet.is

Orlofsvikur á Sólheimum í Grímsnesi eru síðustu vikuna í maí og síðustu vikuna í ágúst ár hvert. Einnig er boðið upp á orlofsdvöl í Bláa lóninu síðustu vikuna í janúar. Orlofsdvölin er í boði Bergmáls og skráning fer fram hjá Kolbrúnu Karlsdóttur í síma 587 5566 netfang bergmal@hive.is . Nánari upplýsingar er að finna á vefsíðunni http://www.bergmalid.is/

Bætt hugsun - betri líðan !

2009-05-12T10:37:00.009Z

Var á virkilega skemmtilegum og fróðlegum samráðsfundi KÍ, en þá koma saman allir starfsmenn svæðafélaga KÍ víða af landinu. Mættu starfsmenn frá Reyðarfirði, Skagafirði, Akureyri, Akranesi, Selfossi, Keflavík og Ísafirði. Það vakti athygli mína þegar ég hlustaði á fyrirlestur Maríu Reykdal, en hún kynnti rannsókn sína "Fræðslunámskeið frir krabbameinssjúklinga og aðstandendur þeirra". Kom m.a. fram þar að umræðuhópar eru ekki að virka, ef engin fræðsla er. Mestum árangri skilar þegar fólk fær fræðslu um krabbamein og hvaða aðstoð er í boði o.s.frv. Sat líka kynningu á námskeiði hjá Dr. Gyðu Eyjólfsdóttur sálfræðingi salarafl@salarafl.is. Kynnti hún fyrir okkur stuðning Krafts. Kraftur er stuðningsfélag fyrir ungt fólk sem greinst hefur með krabbamein og aðstandendur þeirra. Við starfsmennirnir vorum allir sammála um að þetta væri nauðsynlegt námskeið, ekki síður fyrir starfsmenn, en stuðningsfulltrúa. Hægt er að hafa beint samband við stuðningsnet Krafts í síma 866-9618 eða á netfangið studningsnet@kraftur.org

Orlofsdvöl að Löngumýri í Skagafirði !

2009-04-21T10:02:00.004Z

Sigurvon býður félögum sínum upp á frítt uppihald og gistingu í orlofsdvöl að Löngumýri í Skagafirði ! Endilega hafið samband á netfangið sigurvon@snerpa.is eða í síma 456 5650 (skrifstofa), 897 5502 (Bíi) eða 867 7942 (starfsmaður).
Líkt og undanfarin ár verður í boði á Löngumýri í sumar, hvíldardvöl fyrir krabbameinssjúklinga og aðstandendur þeirra. Er um að ræða 3 tímabil. Þau eru 12.-17. og 27.-31. júlí og síðan 3.-8. ágúst. Sú breyting hefur orðið að fyrsta og síðasta tímabilið er einum sólarhring lengra en verið hefur og er þar komið til móts við óskir gesta undanfarinna ára. Orlofsdvöl (hvíldardvöl) á Löngumýri í Skagafirði í er samstarfsverkefni Krabbameinsfélags Skagafjarðar, Dugs stuðningsfélags krabbameinssjúklinga og aðstandenda þeirra í Skagafirði og kirkjunnar. Fyrst og fremst er hugmyndin að gefa fólki sem er á milli meðferða, hefur lokið meðferð eða fólki sem hefur lagt sig fram í starfi innan þessa málaflokks tækifæri til að safna kröftum og njóta samkenndar í góðu umhverfi með hæfilegri áreynslu, fræðslu og í návist maka eða aðstandenda. Lögð er áhersla á góðan mat, hreyfingu við hæfi, fræðsluerindi, helgistundir, kvöldvökur, en umfram allt jákvætt andrúmsloft og viðmót. Orlofsdvölin er ætluð fólki af öllu landinu. Nánari upplýsingar fást hjá Maríu Reykdal, formanni Dugs, í síma 863 6039 og hjá Gunnari Rögnvaldssyni staðarhaldara á Löngumýri í síma 453 8116.

Fermingarbörn ættu ekki að fara í ljós !

2009-03-05T12:33:00.003Z

Nú er að hefjast átak sem beinist að fermingarbörnum og foreldrum eða forráðamönnum þeirra þar sem bent er á hættuna sem fylgir því að ungt fólk fari í ljósabekki. Skilaboðin eru frá Félagi íslenskra húðlækna, Geislavörnum ríkisins, Krabbameinsfélaginu, Landlæknisembættinu og Lýðheilsustöð. Þetta er sjötta árið sem farið er í fræðsluherferð undir slagorðinu "Hættan er ljós". Birtar verða auglýsingar á vefsíðum, ma. Facebook, og fjallað um málið í fjölmiðlum.

Átakið „Karlmenn og krabbamein“ hafið !

2009-03-01T21:21:00.008Z

Átakið „Karlmenn og krabbamein“ hófst í dag og stendur til 15. mars. Átakið er á vegum Krabbameinsfélagsins. Yfirskrift átaksins er „Lífsstíll, heilsa og mataræði“ og er áhersla lögð á að það sé aldrei of seint að taka upp heilbrigðan lífsstíl og bæta bæði lífsgæði sín og lengja lífið. Átakið stendur yfir frá 1.-15. mars og verða seldir sérstakir styrktarmiðar í fjölda verslana til styrktar átakinu. Einnig verða þrílit bindi, í litum átaksins, til sölu í verslunum Herragarðsins. Þá gefst fyrirtækjum kostur á að kaupa silfurlitar slaufur til styrktar átakinu! Á Ísafirði má styrkja átakið í verslunum Eymundsson (Bókhlaðan), Samkaupum og Bónus ! Hér er bæklingur átaksins !

Hvað er HPV- smit ?

2009-02-19T11:08:00.005Z

Kemur það þér við ?
HPV - veiran getur valdið kynfæravörtum og krabbameini !
Forvörn er mikilvæg gegn alvarlegum afleiðingum HPV - veirunnar !
Hvernig er leghálssýni tekið ?
Hvar er leghálssýni tekið ?
Allar nánari upplýsingar má finna á vef Doktor.is !
Hvetjum allar konur jafnt yngri sem eldri til að skoða þetta vel !

Örfáar lyklakippubuddur til á skrifstofu !

2009-02-12T11:08:00.002Z

Enn eru til örfáar lyklakippubuddur. Þær kosta 1000 kr. stykkið og eru fáanlegar á skrifstofu Sigurvonar. Opnunartími skrifstofu er á þriðjudögum frá 10-12, miðvikudögum frá 10-12 og á fimmtudögum frá 11-13.

Minnum á Ráðgjafarþjónustu KÍ !

2009-02-12T11:05:00.001Z

• Ráðgjafarþjónusta Krabbameinsfélagsins er ætluð þér sem greinst hefur með krabbamein og aðstandendum þínum.
• Tilgangurinn er að vinna með þér til að þú náir jafnvægi í lífinu við þær breyttu aðstæður sem krabbameinsgreining veldur.
• Þú átt kost á því að hitta hjúkrunarfræðing, félagsráðgjafa, fleiri fagaðila eða aðra sem hafa gengið í gegnum svipaða reynslu og þú.
• Boðið er upp á viðtöl, faglega ráðgjöf, sjálfshjálparhópa, námskeið, hagnýtar upplýsingar, aðgang að tölvum og prentara, heimilislegt húsnæði og hressingu.
• Ráðgjafarþjónustan er í húsi Krabbameinsfélagsins að Skógarhlíð 8, fyrstu hæð. Opið kl. 9-16.30 virka daga. Auk þess eru fundir og námskeið á daginn, á kvöldin og um helgar.

• Símar: 5401916 , 5401912 eða 5401900
• Gjaldlaus símaráðgjöf og símsvari: 8004040
• Heimasíða: http://www.krabb.is/rad
• Tölvupóstur: 8004040 @krabb.is

• Nánari upplýsingar veita Ragnheiður Alfreðsdóttir hjúkrunarfræðingur og forstöðumaður þjónustunnar (sími 540 1916 , netfang ragnalf@krabb.is) og Gunnjóna Unu Guðmundsdóttur félagsráðgjafi (sími 540 1912 , netfang una@krabb.is).

Hagnýtar upplýsingar (pdf-skjal, 25 bls., janúar 2008).
Ráðgjafarþjónusta Krabbameinsfélagsins (upplýsingarit, doc)

Óskum félögum gleðilegs árs !

2009-01-15T11:33:00.007Z

Krabbameinsfélagið Sigurvon vill óska félagsmönnum sínum, stuðningsmönnum, sem og öllum velgjörðarmönnum velfarnaðar á nýju ári og þakkar fyrir hlýjar og góðar mótttökur á líðandi ári !

Jólakort komin í fulla sölu !

2008-11-27T11:19:00.005Z

Jólakort Sigurvonar eru komin í fulla sölu. Sama verð er og undanfarin ár, eða 100 kr. kortið og eru þau seld 10 saman í poka á 1.000.- kr. Jafnframt verður hægt að kaupa stök kort. Listamaðurinn heitir Ómar Smári Kristinsson og hefur hann gefið Sigurvon leyfi til að nota glæsilega teiknaðar myndir sínar, félaginu að kostnaðarlausu. Kortin eru til sölu á eftirfarandi stöðum: Húsasmiðjunni, Birki ehf., Hafnarbúðinni, Hlíf II, Blómabúðinni, Office 1 og Heilsugæslunni, einnig eru þau fáanleg í Víkurbúðinni í Súðavík, verlunum N1 á Suðureyri, Flateyri og Þingeyri, Samkaup-Úrval í Bolungarvík og á Hólmavík. Töluverð eftirspurn er eftir kortum frá fyrra ári og fást þau í Húsasmiðjunni. Viljum við nota tækifærið og þakka góðar viðtökur og aðstoð við pökkun, sem var í höndum Hvestu. Vert er að taka fram að kortin eru eins ísfirsk og hægt er, en þau eru teiknuð, prentuð, pökkuð og seld af heimafólki. Óskum ykkur öllum ánægjulegrar aðventu !

Jólakort 2008 farin í prentun !

2008-10-28T10:19:00.011Z

Þá eru væntanleg jólakort þessa árs og eru þau í prentun. Verða þau send út í verslanir um leið og þau berast ! Sama verð er og undanfarin ár, eða 100 kr. kortið og eru þau seld 10 saman í poka á 1.000.- kr. Jafnframt verður hægt að kaupa stök kort. Listamaðurinn heitir Ómar Smári Kristinsson og hefur hann gefið Sigurvon leyfi til að nota glæsilega teiknaðar myndir sínar, félaginu að kostnaðarlausu. Kortin munu verða til sölu á eftirfarandi stöðum: Húsasmiðjan, Birkir ehf., Hafnarbúðin, Hlíf II, Blómabúðin, Office 1 og Heilsugæslan, einnig verður reynt að koma kortunum til sölu í nágrannabyggðalögum. Hvetjum við Ísfirðinga sem aðra að vera duglega að koma við í þessum verslunum og styrkja þannig gott málefni !

Frestun tónleika vegna veðurs !

2008-10-28T10:12:00.003Z

Fresta þurfti tónleikum Kvartett Camerata bæði á Þingeyri og Ísafirði, sem vera áttu s.l. laugardag vegna ófærðar. Tónleikarnir verða nánar auglýstir síðar þegar séð verður fram á að færð verði með skárra móti !

Kvartett Camerata í Hömrum 25. október !

2008-10-19T14:50:00.005Z

Tónleikar verða í Hömrum, laugardaginn 25. október 2008 kl. 17.00
Aðgangseyrir 1.000 krónur rennur óskiptur til Krabbameinsfélagsins Sigurvonar

Koncert w Auli Szkoły Muzycznej “Hamrar” w Ísafjörður
Sobota 25. październik 2008 godz. 17.00Wstęp 1.000 koron, przeznaczony jest na Fundusz Pomocy Chorym na Raka – Krabbameinsfélagsins Sigurvonar

Aðalfundur gekk vel !

2008-10-16T12:36:00.002Z

Aðalfundur Krabbameinsfélagsins Sigurvonar fór fram í gærkvöldi á Hótel Ísafirði. Var mikið spjallað og gekk fundurinn vel og meðlæti rann ljúft niður í boði Sparisjóðs Vestfirðinga. Farið var yfir starf félagsins árið 2007 og kosin óbreytt stjórn. Félagsgjöld verða áfram 2.000 kr. og vill félagið nota tækifærið og þakka allan þann stuðning sem það hefur fengið frá upphafi !

Aðalfundur miðvikudaginn 15. október !

2008-10-02T17:15:00.003Z

Aðalfundur Krabbameinsfélagsins Sigurvonar verður haldinn á Hótel Ísafirði, miðvikudaginn 15. október kl. 20:00 ! Kaffi og meðlæti verður í boði Sparisjóðs Vestfirðinga ! Fjölmennum í kaffi !

Myndir frá "Göngum saman" !

2008-09-07T20:32:00.010Z

Góð mæting var í "Göngum saman" þrátt fyrir lítinn fyrirvara. Kunnum við öllum bestu þakkir fyrir þátttökuna og ekki síst Gamla Bakaríinu og Ölgerð Egils, sem gáfu hressingu í lok göngu. Viljum einnig þakka Heilsueflingu Ísafjarðarbæjar ásamt Landsbankanum, sem styrkir grasrótarhreyfinguna "Göngum saman" og gefur buffin sem afhent eru við upphaf göngu. Verðum með lengri fyrirvara að ári, sjáumst ! Hér eru myndir frá göngunni í dag !

Göngum saman á Ísafirði !

2008-09-05T14:27:00.005Z

Styrktarganga Göngum saman verður á Ísafirði næstkomandi sunnudag, 7. september. Gengið verður frá Bónusplaninu kl. 14:00. Þátttökugjald er 3000 kr. sem rennur beint til rannsókna á brjóstakrabbameini. Frítt er fyrir börn, 12 ára og yngri. Boðið verður upp á hressingu að göngu lokinni. Það eru Krabbameinsfélagið Sigurvon og Heilsuefling í Ísafjarðarbæ sem standa fyrir göngunni hér á Ísafirði. Íbúar á Ísafirði og nágrenni eru hvattir til að mæta og ganga saman í skemmtilegum félagsskap og stykja um leið rannasóknir á brjóstakrabbameini.

Göngum saman er félagsskapur á landsvísu sem hefur það að markmiði að safna fé til grunnrannsókna á brjóstakrabbameini. Öllum er velkomið að gerast félagar og styrkja þá um leið verðugt málefni. Allar nánari upplýsingar um félagið er að finna á heimasíðunni www.gongumsaman.is

Fyrir hönd Krabbameinsfélagsins Sigurvonar og Heilsueflingar í Ísafjarðarbæ

Sigurður Ólafsson
Sigríður Ragna Jóhannsdóttir

Orlofsdvalir standa víða til boða !

2008-06-25T10:43:00.014Z

Sigurvon býður sínum félögum upp á frítt uppihald og gistingu í orlofsdvöl og er hægt að velja hvort farið er í Skagafjörð, að Eiðum eða í Grímsnes ! Endilega hafið samband á netfangið sigurvon@snerpa.is eða í síma 456 5650 (skrifstofa), 897 5502 (Bíi) eða 867 7942 (starfsmaður).

Orlofsdvöl (hvíldardvöl) á Löngumýri í Skagafirði í er samstarfsverkefni Krabbameinsfélags Skagafjarðar, Dugs stuðningsfélags krabbameinssjúklinga og aðstandenda þeirra í Skagafirði og kirkjunnar. Fyrst og fremst er hugmyndin að gefa fólki sem er á milli meðferða, hefur lokið meðferð eða fólki sem hefur lagt sig fram í starfi innan þessa málaflokks tækifæri til að safna kröftum og njóta samkenndar í góðu umhverfi með hæfilegri áreynslu, fræðslu og í návist maka eða aðstandenda. Lögð er áhersla á góðan mat, hreyfingu við hæfi, fræðsluerindi, helgistundir, kvöldvökur, en umfram allt jákvætt andrúmsloft og viðmót. Fjöldi gistirýma er 26 í 15 herbergjum. Reynt er að afla styrkja til að greiða niður dvölina. Orlofsdvölin er ætluð fólki af öllu landinu. Sumarið 2008 verður boðið upp á a.m.k. þrjú 5 daga hvíldartímabil sem eru: 4. -8. og 28. júlí – 1. ágúst. Síðasta tímabilið verður 4.-8. ágúst. Nánari upplýsingar fást hjá Maríu Reykdal, formanni Dugs, í síma 863 6039 og hjá Gunnari Rögnvaldssyni staðarhaldara á Löngumýri í síma 453 8116.
Orlofsdvöl á Eiðum í umsjón Krabbameinsfélags Austfjarða og Austurlands verður 29. – 31. ágúst 2008. Dvölin kostar kr. 2.500.- og er boðið upp á fræðslu og skemmtun. Upplýsingar fást hjá Jónínu Guðmundsdóttur í síma 861 2313, netfang: kraus@simnet.is
Orlofsdvöl á Sólheimum í Grímsnesi 22. – 29. maí og 21. – 28. ágúst 2008 (frá fimmtudegi til fimmtudags) og í Bláa lóninu síðustu vikuna í janúar. Orlofsdvölin er í boði Bergmáls og skráning fer fram hjá Kolbrúnu Karlsdóttur í síma 845 3313. Nánari upplýsingar er að finna á vefsíðunni http://www.bergmalid.is/

Kraftur í kringum Ísland !

2008-06-04T10:00:00.009Z

Þann 16. júní leggja vaskir Eyjamenn og konur í hringferð í kringum Ísland á tveimur 15 manna gúmmíbátum, verkefnið nefnist „Kraftur í kringum Ísland“. Tilgangur ferðarinnar er að kynna starfsemi Krafts – stuðningsfélags og safna styrkjum í leiðinni. Megin tilgangur ferðarinnar er þó að kynna Kraft og allt sem í boði er fyrir þá sem greinast með krabbamein og aðstandendur. Fyrirhugað er að bátafólk Krafts muni bjóða bæjarbúum upp á stuttar bátsferðir á gúmmíbátunum gegn vægu gjaldi. Einnig munum við bjóða fólki að kaupa sér leggi á milli staða, þannig að ef þið þekkið einhverja sem langar í ævintýraferð, þá er um að gera að panta ferð, eins ef einhverjir eiga stórafmæli þá er þetta tilvalin gjöf!
Áætlað er að vera á Vestfjörðum, nánar tiltekið, Tálknafirði 19. júní, Bolungarvík 20. júní og Djúpuvík 21. júní. Hér má finna myndir af undirbúningi. Ef þú/þið hafið einhverjar spurningar hringið þá endilega í mig í síma 845 0060. Bestu kveðjur, Hildur Björk Hilmarsdóttir http://www.kraftur.org/
Kraftur – stuðningfélag fyrir ungt fólk sem greinst hefur með krabbamein og aðstandendur

Matur sem berst gegn krabbameini !

2008-05-27T10:47:00.007Z

Verið er að þýða bókina "FOODS THAT FIGHT CANCER" á íslensku, en við erum með eintak af henni á ensku á skrifstofunni ef einhver vill fá lánað ! Munum láta vita um leið og íslensk þýðing liggur fyrir. Bókin inniheldur mikinn fróðleik um hvaða matvæli geta haft áhrif gegn krabbameini, margvíslegan fróðleik um grænmeti, krydd o.fl. !